Cans

Paseando co meu can pola veira do río Miño cruzámonos cun descomunal exemplar de Terrier Ruso, unha raza que non tiña visto na miña vida, e que parece ter a facultade de producir unha mezcla de temor e fascinación a quen se lle achega. Xa na casa busquei na rede algunha referencia a estes mastodónticos animais e atopei que se trata de cans deseñados para a guerra, parece que evolucionaron a partir de un macho de Schnauzer xigante (Roi) e femias de Airdale Terrier, Rotwailer, Can de Augas Moscovita, etc. De estes retrocruces comformouse o que hoxe se coñece como Terrier Ruso, curiosamente un can que non se atopa no catálogo de razas perigosas, como moitos outros que aparecen e desaparecen dos listados en función dos caprichos de cada comunidade autónoma. É posible que a perigosidade resida nas técnicas de adestramento, pero a bomba de reloxería xenética que levan dentro produce un pouco de respecto.

Engado un enlace a un relato de Arturo Pérez Reverte "Historia de un perro asesino" que atopei no blog Historias con historia, tamén moi recomendable.  

Regalos do Nadal

Novas tecnoloxías para o Nadal, elixir o viño que mais nos guste e descargalo vía USB.

PISA

Estes días a noticia de mais relevancia parece estar nos resultados do informe PISA, é curioso que todo o mundo fale das conclusións dunha avaliación que descoñecemos, eu concretamente aínda non fun capaz de atopar a proba, pero estou seguro de que alguén a viu, si é así, por favor deixade un enlace.



Ocorrenseme un montón de cuestións que poderían sesgar a presunta obxectividade dos resultados:

• A recoñecida diferencia de puntuacións en base a circunstancias socioeconómicas, sempre a favor dos mais favorecidos, da que tampouco conseguir ver a estadísitica desmenuzada polo miudo para coñecer, por exemplo, a contribución da escola pública respecto da privada á presunta excelencia académica.


• Tamén resulta significativo que a decisión de ser sometidos voluntariamente a unha avaliación externa non condicione o rendemento nas probas. Moitas comunidades autónomas e algúns países europeos negáronse a facer o control.


• O mais importante, que a análise se restrinxe a comprobación do rendemento académico do alumnado, considerado producto final dun sistema eductivo, baseado nunha concepción do coñecemento e da excelencia académica globalizadora e incuestionablemente obxectiva, xa que pertencemos ó mesmo espacio europeo, xa.

Reclamo un PISA para docentes, políticos, empresarios...

Escalada libre

. 
Dan Osman, practicante de deportes extremos como a escalada natural sen corda, ou a caída libre controlada, chegando a lanzarse por acantilados de ata 400 metros de altura. 
Faleceu o 23 de novembro de 1998 cando tiña 35 anos intentando un salto en caída libre en Learning Tower, California. 
Aquí bate o record de velocidade en escalada vertical conseguindo subir 1220 metros en 4´ 25´´. Increíble.   

Sudoku 3D

Especial viciosos/as. 
Pódese baixar picando sobre a imaxe.

Día mundial da SIDA

Entre as iniciativas para conmemorar o día mundial da SIDA atopo que os Queen, ofrecen a descarga gratuita por Internet do seu tema "Say It's Not True" (Di que no es cierto). Unha homenaxe a Freddie Mercury que faleceu como consecuencia de esta enfermidade.  "Say It's Not True"  foi escrita polo batería Roger Taylor en 2003, e inclúe a voz de Paul Rodgers. O tema fala da enfermidade e da loita para erradicala. 
"Al hacer que esta canción pueda ser descargada gratuitamente por Internet esperamos ayudar a Nelson Mandela con su campaña, que busca enviar el mensaje de que nadie está libre de la infección",  "Tenemos que estar en conocimiento sobre este tema, protegernos y proteger a aquellos que amamos. Este tema sigue la línea del mensaje personal de Mandela: Está en nuestras manos detener este flagelo".  
Picade na imaxe para ver Concerto Online. 
Descarga "Di que no es cierto"

Arte efímero

Visto en Fogonazos. 
Impresionantes debuxos de Peter Donnelly
Engado o enlace a Jim Denevan, outro dos artistas da area.

Scorsese + Hitchcock = Key To Reserva

A revolta dos ratos

Deixovos un enlace a un corto de animación que está logradísimo, o argumento reflicte a resistencia ó cambio que supón a aceptación das novas tecnoloxías, unha evolución irremediable. Picade sobre a imaxe.

Regatas online

Seguramente existan outros, pero a opción do Liveskipper ten o seu encanto, trátase de un simulador virtual de regatas gratuito e de uso moi sinxelo. De feito, vótase de menos un maior control sobre as variables que inflúen na navegación. Estou seguro que esta interface irá a mais, o poder adictivo está sobradamente demostrado.